М.Носов Танец древних якутов

Slider

Үрүҥ тунах ыһыахха анаммыт сирэйбитин арыйан, Culture-Yakutia.com сайбыт ыалдьыта буолбуккунан эҕэрдэлиибит!

Саха омук, кыстыгы этэҥҥэ туораан, күөххэ үктэммиччэ, айылҕа силигилии сиппит, күн саамай уһаабыт кэмигэр Айыыларга сүгүрүйэн, сир-дойду иччилэриттэн уйгуну-быйаҥы көрдөһөн, ыһыах ыһар үтүө үгэстээх. Бу национальнай бырааһынньык саха омук аан дойдуну анаарар мындыр өйүн, олоҕу бөлүһүөктүү көрөр дириҥ санаатын, инникини түстүүр кэскиллээх толкуйун дьүһүйэн көрдөрөр: алгыһынан, үйэлээх үгэһинэн, ырыанан-тойугунан, оһуохайынан-олоҥхонон, үҥкүүнэн-битиинэн, сиэринэн-туомунан, таҥаһынан-сабынан, аһылыгынан-үөлүнэн, сэһэнин-сэппэнинэн, номоҕунан-үһүйээнинэн, көрүнэн-оонньуутунан, иһитинэн-хомуоһунан, киэргэлинэн-симэҕинэн.

Бу сайтка эһиги ыһыах туһунан толору өйдөбүлү биэрэр матырыйааллары булуоххут, ону сэргэ ырыаҕа-тойукка, онтон да атын фольклор көрүҥнэригэр уһуйар уруоктары, саха култууратын чинчийэр дьон санааларын үллэстэр видеолары көрүөххүт.

Быйыл ыһыах киэҥ түһүлгэтэ түстэммэт буолан, тиэргэммит иһигэр чугас дьоммутун кытта бэлиэтиибит. Онуоха бу сайтпыт өбүгэ үгэһин билэргэ, туһанарга тирэх буолуо диэн эрэнэбит.

Ыһыах суолтата, номоҕо

Ыһыах сиэрэ-туома

Ыһыах таҥаһа-саба

Ыһыах аһа-үөлэ

Ыһыах ырыата, үҥкүүтэ

Ыһыах оонньуута, күрэҕэ

В оформлении сайта использованы репродукции картин из собрания НХМ РС(Я).